راهیان ولایت معرفت سرا(علوی)
تشریحی ...عرفان فی الله علویراهیان ولایت معرفت سرا(علوی)
تشریحی ...عرفان فی الله علویشعرترکی: ساغلیغیندا قیمت وئرین اینسانلارا
شعرترکی: ساغلیغیندا قیمت
وئرین اینسانلارا
بیر آرزوم وار، آی آداملار، قویون دئییم،
ساغلیغیندا قیمت وئرین اینسانلارا،
یاخشیلارا ساغلیغیندا یاخشی دئیین،
ساغلیغیندا یامان دئیین یامانلارا،
.......................................
شعرترکی: ساغلیغیندا قیمت
وئرین اینسانلارا
بیر آرزوم وار، آی آداملار، قویون دئییم،
ساغلیغیندا قیمت وئرین اینسانلارا،
یاخشیلارا ساغلیغیندا یاخشی دئیین،
ساغلیغیندا یامان دئیین یامانلارا،
ساغلیغیندا قیمت
وئرین اینسانلارا
بیر آرزوم وار، آی آداملار، قویون دئییم،
ساغلیغیندا قیمت وئرین اینسانلارا،
یاخشیلارا ساغلیغیندا یاخشی دئیین،
ساغلیغیندا یامان دئیین یامانلارا،
یالنیز، یالنیز، ساغ اولاندا،
هر کس اصیل قیمتینی بیلر اوندا.
بو سؤزلریم دوز اولماسا، تؤهمت ائدین،
سیزدن ریجا ائلییرم میلیون کره،
شاعیرلره ساغلیغیندا هؤرمت ائدین،
ساغلیغیندا هئیکل قویون اؤلمزلره…
گلجیه چوخ دا امید باغلامایین،
سؤزونوزو سونرالارا ساخلامایین.
زهلم گئدیر سونرالاردان،
واختسیز دینن زورنالاردان،
بوشبوغازدان، آوارادان،
تویدان سونرا ناغارادان.
ساغلیغیندا سئویندیرین تمیزلری،
سیز حیاتدا بو آماللا آددیملایین.
ساغلیغیندا ایفشا ائدین خبیسلری،
ساتقینلارا ساغلیغیندا ساتقین دئیین،
تولکو دئیین تولکولره،
آصلان دئیین آصلانلارا.
ساغلیغیندا قیمت وئرین اینسانلارا…
هر کس بیلسین اؤز یئرینی
نئجه ساغدیر،
بو، پیسلرین حیاتینی قیسالتماقدیر
یاخشیلارین حیاتینی اوزاتماقدیر…
بو ندندیر اؤلن کیمی، قلبیمیزده
آداملارا سئوگی، حؤرمت آشیب-داشیر.
اؤلن کیمی یاخشیلار دا یاخشیلاشیر.
یامانلار دا یاخشیلاشیر…
چیرکینلر ده تمیز اولور اؤلن کیمی…
یادلار بئله عزیز اولور اؤلن کیمی…
خاطیرلر سؤیله ییریک،
نئکرولوقلار قوللاییریق،
هامیسینا اوجدان توتما یاخشی دئییب
او دونیایا یوللایویریق.
بو گئجیکمیش خئییر-دوعا نیه گرک؟
بوندان مزار بؤیویجک
یا اؤلنمی دیریلجک؟
خوشوم گلمیر
بو کؤهنلمیش عادتلردن،
خوشوم گلمیر…
بو سردابه سئوگیلردن،
حؤرمتلردن خوشوم گلمیر.
ایستمیرم واخت-وعده سیز شؤهرتی من،
بیر آن عؤمرو میلیون قیزیل اؤلوم گله
دییشمَرم…
دیری اوچون ایینه بویدا حؤرمتی من
اؤلو اوچون مین هئیکله دییشمَرم…
دوز دئمَسم، اوندا منی باغیشلایین،
اوز توتارام اوشاقلارا،
قوجالارا، جاوانلارا،
ساغلیغیندا قیمت وئرین اینسانلارا،
یاخشیلارا ساغلیغیندا یاخشی دئیین،
ساغلیغیندا یامان دئیین یامانلارا…
http://adabiyat-azari.mihanblog.com/post/40
